माल्दिभ्समा घट्यो भारतीय पर्यटकको संख्या, मुइज्जुको अहंकार हुनेछ कम

छिमेकी राष्ट्र भारतसँग शत्रुता लिनु माल्दिभ्सलाई महँगो परिरहेको छ। माल्दिभ्स सरकारलाई यतिखेर ठूलो झट्का लाग्दै गइरहेको छ। किनकि मालदिभ्स जाने भारतीय पर्यटकको संख्यामा ठूलो कमी आएको छ । जसका कारण माल्दिभ्सका होटल, यातायात, रेष्टुरेन्ट जस्ता व्यवसायलाई ठूलो नोक्सान भएको छ ।

माल्दिभ्समा खर्च गर्ने मामिलामा पनि भारतीयहरू शीर्ष स्थानमा छन्। अन्य देशका यात्रुहरूको तुलनामा भारतीय पर्यटकहरूले प्रत्येक मौसममा माल्दिभ्स भ्रमण गर्ने गर्थे। यसैबीच जुनमा भारतबाट माल्दिभ्स आउने पर्यटकको संख्यामा २.५ प्रतिशतले कमी आएको आधिकारिक तथ्यांकले देखाएको छ । यसरी भारतीय पर्यटक घट्नुको कारण दुई देशबीच जारी तनाव र चरम गर्मीलाई मानिएको छ ।

माल्दिभ्सको पर्यटन मन्त्रालयले जुन महिनामा हालसम्म ४४,०१३ भन्दा बढी पर्यटक माल्दिभ्स आएको खुलासा गरेको छ । जुन १ देखि जुन १२ सम्म मालेको वेलाना अन्तर्राष्ट्रिय विमानस्थल (VIA) मा कुल ४४,०१३ पर्यटकलाई स्वागत गरिएको रिपोर्टले जनाएको छ। यस वर्षको आगमनमा गत वर्षको ८,५४,४०५ को तुलनामा ९.६% र २०२२ को ७,४७,१८३ को तुलनामा उल्लेखनीय वृद्धि भएको छ। जुनमा हरेक दिन औसतमा ३ हजार ६ सय ६८ पर्यटक आउने गरेको तथ्यांकले देखाएको छ भने पर्यटक सात दिनसम्म माल्दिभ्समा बस्ने गरेका छन् ।

माल्दिभ्सले २०२४  को सुरुदेखि कुल ९ल लाख ३६ हजार २५८ पर्यटकहरूलाई स्वागत गरेको छ। जनवरी महिनामा १ लाख ९२ हजार ३ सय ८५, फेब्रुअरीमा २ लाख १७ हजार ३ सय ९२, मार्चमा १ लाख ९४ हजार २ सय २७, अप्रिलमा १ लाख ६८ हजार ३६६ र मेमा १ लाख १९ हजार ८ सय ७५ पर्यटकले माल्दिभ्स भ्रमण गरेका थिए । २०२४  को लागि हालसम्म दैनिक औसत ५ हजार ७०९  छ र पर्यटकहरू औसत आठ दिन बसिरहेका छन्।

६०,६९९ आगन्तुकहरूका साथ माल्दिभ्सको पर्यटनमा महत्वपूर्ण योगदान पुर्‍याउने देशहरूमा चीन सबैभन्दा अगाडि छ, त्यसपछि रुस, इटाली र बेलायत आउँछन्। विगत तीन वर्षदेखि पर्यटक आगमनको प्रमुख स्रोत रहेको भारत ३१ हजार ४३७ पर्यटकसहित छैटौं स्थानमा झरेको छ ।

भारत र माल्दिभ्स बीचको सम्बन्ध, जुन परम्परागत रूपमा बलियो ऐतिहासिक र सांस्कृतिक सम्बन्धले गर्दा घनिष्ठ थियो, तर बीचमा दुई देशबीच तनाव जारी छ। जनवरी २०२४ मा माल्दिभ्सका क्याबिनेट मन्त्रीहरूको अपमानजक टिप्पणी र नस्लवादमाछि चिन्ताहरूका कारण दुई देशबीचको सम्बन्ध तनावपूर्ण बनेको थियो। यसैको प्रभाव अहिले मालदिभ्सको पर्यटन व्यवसायमा पर्दै गएको देखिन्छ।